​ភ្នំពេញ​៖ សាលាខណ្ឌ​ព្រែក​ព្នៅ បានរៀបចំ​ពិធីបើកការដ្ឋាន​បន្ត​ផ្លូវ​បេតុង​មួយ​ខ្សែ ប្រវែង ៤៨៤​ម៉ែត្រ នៅ​ព្រឹក​ថ្ងៃទី​១១ ខែវិច្ឆិកា ឆ្នាំ​២០១៥ ស្ថិតនៅ​ភូមិ​គ្រួស សង្កាត់​សំរោង ខណ្ឌ​ព្រែក​ព្នៅ រាជធានី​ភ្នំពេញ​។​

​ពិធី​នេះ មានការ​អញ្ជើញ​ចូលរួម​ពី​សំណាក់ លោក លោកស្រី​សមាជិក សមាជិកា​ក្រុមប្រឹក្សា​ខណ្ឌ លោក លោកស្រី​អភិបាលរង លោកនាយក នាយករង​រដ្ឋបាល​ខ​ណ្ឌ លោក លោកស្រី ប្រធានការិយាល័យ​ជំនាញ ចំណុះ​ជុំវិញ​ខណ្ឌ និង​បងប្អូន​ប្រជាពលរដ្ឋ​សរុប​ប្រមាណ​ជាង ១៥០​នាក់ ក្រោម​អធិបតីភាព លោក សុខ សម្បត្តិ អភិបាល នៃ​គណៈ​អភិបាលខណ្ឌ ។​

​ឆ្លៀត​ក្នុងឱកាស​នេះ លោក​អភិបាល ក៏បាន​ថ្លែងអំណរគុណ​ចំពោះ​វត្តមាន​របស់​បងប្អូន​ទាំងអស់គ្នា ដែល​បាន​ចូលរួម​ក្នុង​កម្មវិធី​នេះ និង​សូម​ឲ្យ​បងប្អូន​ទាំងអស់ ចូលរួម​ថែរក្សា​ផ្លូវ​មួយ​ខ្សែ​នេះ ឲ្យ​បាន​គង់វង្ស​យូរអង្វែង ក៏ដូចជា​ការចូលរួម​អភិវឌ្ឃន៍​សង្គមជាតិរ​បស់​យើង​ផងដែរ​៕

​ប្រភព​៖ ទំព័រ​សាលាខណ្ឌ​ព្រែក​ព្នៅ​

​